Sports minister-in Novy Kapadia a pui

Indian football expert leh commentator lar Novy Kapadia chu natna khirh tak avanga a duh anga mahni inchhung pawha a chetsawn theih loh hnuah Ministry of Youth Affairs and Sports chuan cheng nuai li ṭanpuina an pe. 

Kapadia hi Delhi University-ah professor-in a thawk ṭhin a, mahse a pension aṭanga kum hnih a liam hnuah pawh a pension hi la hleithei loin a awm - hetihlai hian natnain a tlak buak bawk si a, sports minister Kiren Rijiju chu Kapadia pui tur hian a  lo pen chhuak ta a ni. 

Commentator lar Kapadia puihna hi 'Pandit Deendayal Upadhyaya National Welfare Fund for Sportsperson' aṭanga pek a ni a, Rijiju chuan DU lama Kapadia pension tang pawh an bawhzui sak thu a sawi.