Covid-19 vangin footballer hlui a thi

Maharashtra aiawha Santosh Trophy khel tawh Hamza Koya chu Inrinni khan kum 61 mi niin a thi a, Indian infiammi zinga Covid-19 vanga thi hmasa ber a ni.

Hamza Koya hi Maharashtra tan Santosh Trophy-ah kum nga chhung a khel a, Mumbai football league-ah kum 10 chuang hming a lo chher tawh.

India rama Covid-19 a rawn hluar chhoh khan Mumbai chu a hmunpui a ngaih a ni, Koya te chhungkua hian natna tlansanin Kerala lam an pan.

A vanglaia defender ṭha ve tak Koya hi Covid-19 lakah an inveng thei ta bik lo a, a nupui Laila leh a fapa Lihaz te a kalsan. 

Laila hi Western Railway volleyball player hlui a ni a, a fapa Lihaz hi junior Indian football team-ah keeper a ni thung.