UFC 250: Thawnthu thar ziaktu Nunes

Amanda Nunes chuan nimin khan UFC chanchina dai leh tawh ngai lo turin a hming a ziak kai a, UFC Apex-ah Canadian fighter Felicia Spencer chu unanimous decision (50-44, 50-44, 50-45) hmanga hnehin UFC division pahniha title kawl lai a hrana a zawna humhim thei hmasa ber a ni.

Brazilian fighter Nunes hian December 14, 2019 khan Germaine de Randamie hnehin UFC Women's Bantamweight a kawl lai a humhim a, niminah UFC Women's Featherweight title a humhim leh ta bawk. 

Round nga inhneka chak zawk vek Nunes chuan, "Spencer-i'n a kuttum a rawn lekchhuah hmasak ber khan min knockout zo dawn lo tih chu ka hrethiam nghal a ni," tiin a sawi.