60m record siamtu Coleman

American sprinter Christian Coleman chuan 60m chu second 6.37 chhunga tlan thlengin World Indoor Athletics Championship record a siam a, Birmingham-a inelna neih laiah gold medal a la.

Kum 21 mi Coleman hian February thla khan second 6.34 chhunga 60m tlan thlengin world record a lo siam tawh a, a record siam hmasak hi tluk tawh rih lo mah se pakhatna ni turin a tawk–a hnungah hian Su Bingtian, China (6.42 seconds) leh Ronnie Baker, USA (6.44) te an thleng bawk.