Mexican Open champion Del Potro

Nimin khan Mexican Open final khelh a ni a, tun hnaia rawn khel ṭha tak Juan Martin Del Potro chuan Kevin Anderson lakah 6-4, 6-4 a hnehna changin nomawi a chawi–kumin chhunga a champion vawi khatna a ni.

Kum 29 mi Del Potro hian ATP title 21 a lakna chiah a ni a, hliam vanga a inkhelh theih loh ngun avangin kum 2014 hnua a champion lehna hmasa ber a ni.

Argentina tlangval hian final thleng tur hian kawng harsa a paltlang, world ranking-a a sang 10 zinga pathum a hneh thei a, heng zingah hian world number 4 Mischa Zverev pawh a tel.