Inzaghi a inringtawk

Simone Inzaghi kaihhruaina hnuaiah Lazio chuan season duhawm an hmang mek a, coach Inzaghi chuan thil thui tak ngaihtuah vak ai chuan an khelh hmabak pakhat atan zel inbuatsaih a pawimawh thu a sawi.

Lazio hi Serie A table-ah pathumna ni lai an ni, an chungah hian champion lai Juventus leh Inter Milan te chiah an awm; squad nem leh pan zawk nei chungin club lian pahnih hi an elphak.

Inzaghi chuan, "Rilru put hmang a dik a, kan zir anga ṭha taka inrintawkna nen kan khel chhuak thei a nih chuan thil hi a awlsam ṭhin. Serie A hi a danglamin hriatthiam a har, team tin mai hi kan inkhel tawk viau zel a ni.

"Keini hian player inlungrual tak kan nei a, anni nena thawhho hi a nuamin a hlimawm. Thil thui tak kan ngaihtuah duh lo a, kan hma a team rawn ding tur a zirin theihtawpin kan inbuatsaih mai ṭhin a ni," tiin a sawi.

Lazio hian zanin dar 1:15 hian league match khel turin Hellas Verona an mikhual dawn, Verona hi pakuana nilai an ni a, rinkai lo zawk ni chungin Stadio Olimpico-ah an lenglut ang.