Hollow an relegate dawn em?

Mizoram Super League season linaah Mis­­sion Vengthlang Hollow-in hneh an nei lo a, relegation playoff game 1-ah Repub­lic VR4 an hneh lo leh bawk. Zanin dar 8:00 hian Hawla Indoor Stadium-ah relegation playoff game 2 khelh a ni dawn a, Hollow hi an chak lo leh a nih chuan an relegate ang.

Republic VR4-in MSL an khelh hmasak berah MSVT Hollow hi 84-70 in an sawp nghal a, game 1-ah pawh 69-51 in an hneh nawn. An inkhelh tawhna thlir chuan VR4 hi team ṭha zawk an ni a, Hollow hian MSL khelh zel an duh a nih chuan insiamṭhat a ṭul khawp dawn.

VR4 hian Hollow hi hneh pawh ni se MSL khel zel tur chuan playoff an hmachhawn a la ṭul dawn. March 26-28 hian Aizawl District huam chhunga club Bethlehem BC leh Zarkawt Serpents bakah Kolasib Timeout ten qualifying an khel ang a, a sang ber hi MSL tling nghal tur niin pahnihna hi VR4 leh Hollow inkhela chak zawk nena playoff khel tur an ni.

Playoff hi ruahmanna siam dan chuan April 2, 5 leh 6-ah te khelh leh tur a ni.