All England beiseitu Sindhu

Badminton season ṭan chhoh mek zel a ni a, March 14 aṭangin inelna ngaihhlut All England Badminton Championship khelh a ni dawn. Indian shuttler PV Sindhu chuan Birmingham-ah hlawhtlinna chan theih a beisei thu a sawi.

Rio Olympic silver medalist Sindhu chuan, "Tournament kan khelh hmabak langsar chu All England Badminton Championship a ni a, he hunah hian ṭha taka ka inlan theih ka beisei. Inelna hmachhawn tur tam tak kan neihah hian tun hma lama ka tih angin ka khelh theih ngei ka beisei," tiin a sawi.

All England Bad-minton Championship khelh zawh hnu, April 4-15 chhung hian Commonwealth Games khelh zui tur a ni bawk a, he hunah hian Sindhu hi India tan a inlan zui ang.

Commonwealth Games thlir nghalin Sindhu chuan, "Inelna hi a awlsam lo thei hle a, kuminah pawh a harsa leh ang. Match zawng zawngah 100% a kan beih a ngai dawn" a ti a, hlawhtling tur chuan inbuatsaihna neih ṭhat a pawimawh thu a sawi bawk.