Murray chungah Edmund

Andy Murray a inkhelh theih loh chhungin Kyle Edmund-a'n nomawi chawi lo mah se a khel ṭhat tluan avangin Britain number 1 thar a ni.

Nizan khan tennis mipa lama thuneitu sang ber ATP chuan ranking a tichhuak thar a, world number 1 hlui Murray hi 24-naah a tlak hniam laiin Murray hi 24-naah a kaisang thung.

Grand Slam vawi thum champion tawh Murray hi nikum Wimbledon hnuah a la inkhel leh lo a, hetih lai hian Edmund chuan kumina major tournament hmasa ber Australian Open-ah khan semifinal a thleng thung - Grand Slam bika a tawn san ber ṭum a ni.

Tun hnaiah Edmund hi damlohna vangin tournament ṭhenkhatah a inlan lo a, tun kara khelh tur Indian Wells leh March thla tawpa khelh tur Miami Open-ah chuan inlan tura ngaih a ni thung.