Bayern leh Dortmund ten training titawp

Bundesliga hma­hruai­tu Bayern Munich-in nimin training an ṭhulh a, pahnihna Borussia Dortmund pawhin first team player-te chu in lama hun hmang turin kar khat chhung chawlh an pe.

Germany sorkar chuan Thawhṭanni khan coronavirus vangin dawr hrang hrang chu khar turin thupek a pe a, mipuite chu in lama hun hmang turin ngenna a siam. Sorkar thu­chhuak bawhzuiin Dortmund chuan kar khat chhung atan training an chawlh tur an puang a, Bayern pawh manager Hansi Flick leh sporting director Hasan Salihamidzic te an inrawn hnuah nimin khan training an ṭhulh.

Bavarians hian club training dan tur chung­chang hi an ngaihtuah zui dawn a, an ṭhulh zui zel pawh a rinawm. Germany thlang lama awm Cologne pawhin March 27 hma training neih an tum loh thu an puang. Bundesliga club dang­te pawhin training an chawl rih a, Hertha Berlin erawh an player zinga mi pakhatin coronavirus a vei avangin an player leh coaching staff te chu ni 14 an khung hran thu an puang.