CAS-in Man City buaina ngaihtuah rih dawn lo

Infiamna thubuai chungchanga thuneitu sang ber Court of Arbitration for Sport (CAS) chuan Thawhṭanni zan khan thubuai an ngaihtuah rih loh tur thu an puang a, May thlatirah thubuai ngaihtuah hna a ṭan leh ang.

CAS thubuai ngaihtuah tur zingah Manchester City buainain ngaihven a hlawh ber a, English club hi UEFA-in season hnih chhung European competition khel lo turin an hrem avangin thuneitu sang lakah an zualko. Manchester City tan nipui hma ngeia an dinhmun hriat hi a pawimawh a, Champions League an khel thei dawn lo a nih chuan Pep Guardiola hoten player langsar lak an harsat dawn. Amaherawhchu coronavirus vangin CAS an che rang thei lo a, Man City tan chanchin ṭha lo a ni.