Kante-a'n training a zawm

Chelsea midfielder N'Golo Kante chuan kar hmasa khan training-na hmuna a taksa lamah buaina a nei a, a hnuah dressing room aṭangin a hriselna dinhmun endik tura hruai a ni.

France international hi Blues doctor ten an endik hnuah lung na leh natna dang a nei lo tih an sawi a, kar tawpa Manchester City an hneh loh ṭum pawh khan a ṭhiante zingah a zin ve mahse khelmualah a inlan lo thung.

Professional Footbal-lers' Association leh Football Writers Associa-tion Player of the Year nilai Kante hian Thawhṭanni khan team training a zawm leh thei tawh a, tun season chhunga match 35 khel tawh midfielder dam leh ta hi Blues tan chanchin lawmawm tak a ni ang.

Premier League-a pangana Chelsea hian hmahruaitu Man City chu point 24-in an phak lo mek. Antonio Conte naute hian kar leh a Barcelona an lenchilh hmain tun kar tawp hian league match-ah Crystal Palace an hmachhawn phawt dawn a ni.

Chelsea defender Cesar Azpilicueta chuan, "Kan dinhmun a ṭha lo, kan hmabak thla hnih chhung hian insiamṭhat theih ngei kan beisei a ni," tiin tun hnaia result ṭha an nei thei lo chu pawi a tih thu a sawi.