Kum 20 hnuai lamah Pedri a langsar

Switzerland-a sports zirchianna hmun CIES Football Observatory chuan kum 20 hnuai lam zinga senior team tana khel tam player a thur chhuak a, Barcelona midfielder Pedri chuan pakhatna a hauh chiang hle.

CIES Football Observatory zirchianna hi August 16, 2021 thleng kha a ni a, Barcelona midfielder Pedri hian match 49-ah inlanin minute 3827 a khel a, goal hnih a khung. Spanish midfielder hnaih bertu Mason Greenwood-a'n match 36 khelhah goal 10 khung mah se minute a khelh zat chu 2327 a nih avangin Pedri khelh zat a pha lo hle.

Greenwood-a hnuaiah Nuno Mendes (Sporting), Ryan Gravenberch (Ajax), Matheus Martinelli, Bukayo Saka (Arsenal), Jeremy Doku (Rennes), Jude Bellingham (Borussia Dortmund) leh Euduardol Camavinga (Rennes) te an awm.