US Open lawmman ti tlem dawn

August 31 aṭanga khelh tur US Open champion lawmman chu tih hniam a ni dawn a, mipa leh hmeichhe singles champion dawn tur hi 35% zeta a hniam dawn avangin kum 2012 hnua a tlem ber ṭum a ni ang.

Season hmasa khan US Open hi hri leng vangin an lo buai tawh, a hun pangngaiah an khelh theih loh bakah a hmuna entu an awm mumal thei lo - kuminah erawh a tir aṭangin stadium khatin entu an awm theih beisei a ni.

Singles champion hian US dollar maktaduai 2.5 (Rs 18,54,41,250) an dawng dawn - season hmasa aiin 35% in an tihniam. Inelna huang danga champion lawmman pawh tih hniam a ni vek ang.

Tournament director Stacey Allaster chuan, "Player leh kan thawhpui hrang hrangte nen kan sawiho a, chumi hnuah chuan lawmman chungchanga thutlukna hi siam a ni," an ti. United States Tennis Assocaiton pawhin hriatthiamna an ngen thu an sawi ve bawk.