Shaqiri-a'n Lyon a zawm

Lyon-in Switzerland playmaker Xherdan Shaqiri chu Liverpool aṭangin pound maktaduai 9.5-in an lei. Kum 29 mi Shaqiri hian kum thum daih contract a ziak a, euro maktaduai ruk a hlawh dawn a, a chet ṭhat dan a zirin euro maktaduai nga a hlawh belh thei ang.

Shaqiri hian kum 2018 khan Stoke aṭangin Liverpool hi pound maktaduai 13-in a zawm a, season liam ta khan Jurgen Klopp-a hnuaiah league match vawi nga chiah bul a ṭan.

Swiss playmaker hian Basel leh Bayern Munich tana a khelh laiin nomawi ṭhahnem tak a chawi tawh a, Liverpool tan hian Premier League, Champions League, Super Cup leh Club World Cup nomawi a chawi leh bawk.