Kompany leh Silva te lim an tlangzarh dawn

25th August, 2021

Premier League champion Manchester City-in August 28, Inrinni tlai dar 5:00-a Arsenal an hmachhawn hmain club legend Vincent Kompany leh David Silva te lim an tlangzarh dawn.

Belgian defender Kompany hian kum 2019 khan Manchester City hi a chhuahsan a, Premier League nomawi pali, FA Cup pahnih leh League Cup pali a chawipui hman.

Spanish midfielder Silva hian City tan match 436 a khel a, Kompany aiin League Cup pakhatin a la tam. Nakkumah a pathumna turin Sergio Aguero lim zawh a ni ve leh ang.