UEFA Men's Coach of the Year Guardiola, Mancini & Tuchel

UEFA hnuaia 2020/21 season Men's Coach of the Year award dawng thei tur player pathum chhawpchhuahte chu Manchester City manager Josep Guardiola, Italy coach Roberto Mancini leh Chelsea manager Thomas Tuchel te an ni a, zaninah coach ṭha ber an puang ang.

Josep Guardiola-a'n Manchester City chu a vawi khat nan Champions League final a thlenpui a, Premier League-ah point 12-a fal chungin nomawi an chawi a, League Cup-ah an champion bawk.

Roberto Mancini-a'n an ram Italy chu European Championship-ah a champion pui a, Italy manager hian 2018 FIFA World Cup khel pha lo Azzuri a champion pui thei hi a ropui hle. Hei chauh hi a ni lo, Italy hian match 34 chhung chak loh an nei tawh lo.

Thomas Tuchel-a'n January 26 khan Chelsea manager ni turin Frank Lampard a thlak a, Champions League-ah Manchester City hnehin London club-in vawi hnih UCL nomawi an chawina a ni. German coach hi club pahnih kum zawna UCL final thlenpui hmasa ber a ni bawk.