PSG-in Real-in dilna an hnawl

Real Madrid chuan Kylian Mbappe lak tumin PSG chu euro maktaduai 160-in an dawr a, French club-in Los Blancos dilna hi an hnawl. Kum 22 mi Mbappe hian season khat chauh contract a nei tawh a, a contract neih lai hi tun thlengin a la pawtsei lo.

PSG hian Mbappe hi chelh tumin tun hnai khan vawi thum an dawr tawh a, French forward hian a hnar vek. Parisians-in Lionel Messi meuh an lakluh hnuah pawh Mbappe hian Los Blancos pan a duh.

Kum 2017 khan Mbappe hian PSG hi loan hmangin a zawm a, kum khat hnuah pound maktaduai 165.7-in a nghetin a lut. French forward hian inelna hrang hrang match 174 aṭangin goal 133 a khung.

Mbappe contract hi season tawp ruala zo tur a ni chungin PSG-in Spanish club dilna an hnawl chhan hi sum tam zawk an beisei vang a ni thei ang. Sesaon liam ta khan Mbappe hian goal 27 khungin Ligue 1 top scorer a ni a, assist vawi sarih a nei bawk.

Chutihrualin Mbappe hian Real Madrid zawm a duh a, PSG-in an chelh a nih pawhin nakkum lamah free transfer-in Spanish club hi a zawm dawn. French club hian thutlukna an siam sual a nih chuan sum ṭhahnem tak chan thei dinhmunah an ding.