Israel-in Gaza Strip-a beihnaah mi 42 thih belh

Serena leh Venus Williams chuan US Open 2021 an khel thei dawn lo. American unau hi hliam vangin an chawl mek a, tun thla tawpa inelna neih tur atan an dam hman dawn lo tihna a ni.

Kum 39 mi Serena chuan a malpui hliam enkawl a la ngaih thu a sawi a, a upa zawk Venus pawhin a nau a inhnuhdawh hnuah a ke hliam a la dam loh vanga a inhnukdawh thu a sawi ve bawk.

American player zingah Sofia Kenin pawh a inlan dawn lo. Seeded pangana Kenin hian Covid-19 a kai a, ani pawh a inkhel thei dawn lo - tualchhung hmeichhe player ṭha pathum an inlan thei dawn lo tih a chiang tawh.

New York khawpuia inelna neihah hian Williams unau hi an inlanna a rei tawh, kum 2003 hnulamah kumin hi an pahniha an inlan loh ve ve vawi khatna tur a ni hial, tualchhung mipui lamin an tan rawn inkhel an hmu thei dawn ta lo.

US Open vawi ruk champion tawh Serena chuan, "New York hi khawvela ka khawpui ngainat leh inkhelh nuam ka tihna hmun a ni a, inkhelh theih ka chak hle. Mahse, damdawi lam thiamten inkhel rih lo turin min ti a, kan thu ka zawm a ngai," tiin a sawi.

Mipa player lamah pawh champion lai Dominic Thiem a inlan dawn lo, Austrian star hma hian Roger Federer leh Rafael Nadal te pawhin an inlan theih loh tur thu an lo tichiang tawh bawk - season dang angin a ropui tawk lo a nih pawhin a mak lo ang.

World number 1 Novak Djokovic erawh inelna thei tura ngaih a ni a, Tokyo 2020 champion Alexander Zverev pawh a tel ang. Season hmasa khan Djokovic hi champion tura rinkai ni mah se line judge ball a vuak per avangin an lo hnawl (disqualify) tawh a ni.