Atletico-in Matheus Cunha an la

La Liga champion Atletico Madrid chuan Hertha Berlin aṭangin Matheus Cunha an lalut. Kum 22 mi Cunha hi Tokyo 2020-a Brazil-in gold medal a lak theih nana player pawimawh a ni a, Atletico-ah kum 2026 thleng cham turin contract a ziak.

Cunha hian kum 18 mi a nihin Brazil a chhuahsan a, Swiss club Sion a zawm. Season khat chauh Sion tana a khel tihin a chet ṭhat avangin German club RB Leipzig-in euro maktaduai 15-in an lalut.

Season khat leh a chanve hnuah Hertha Berlin-in euro maktaduai 18-in an lei chhuak a, thla 18 chhungin match 40-ah goal 13 a khungsak. Spanish club hian Brazilian forward ball thiam Cunha manah hian maktaduai 30 vel an senga ngaih a ni.