Fiorentina-ah Torreira a kal

Arsenal midfielder Lucas Torreira chuan loan hmangin Fiorentina a zawm fel a, tun season tawpah Italian club hian an duh a nih chuan a nghetin an lei thei nghal bawk ang.

Uruguay international hian 2018 khan Sampdoria aṭangin Gunners hi a zawm, North London club tan hian match 89 khel tawhin 2020 FA Cup kha a chawipui.

Kum 25 mi Torreira lakah hian beiseina an nei sang hman, mahse manager thar Mikel Arteta-a duhzawng a ni lo. Season hmasa khan Atletico Madrid-ah loan hmang thoin a kal a, inelna hrang hrangah match 26 khelin La Liga nomawi a chawipui.