Joshua undercard-ah Okolie

Anthony Joshua chuan September 25 hian Tottenham Hotspur Stadium-ah WBA, IBF leh WBO world heavyweight title chu Oleksandr Usyk lakah hum a tum dawn. Joshua te inhnek hunah hian WBO cruiserweight world title kawltu Lawrence Okolie pawh a inlan ang.

Kum 28 mi Okolie hian Montenegro boxer Dilan Prasovic a hmachhawn dawn a, British boxer hian a title hum tuma fight a neih hmasa ber a ni dawn. Okolie hian March thla khan Polish boxer Krzysztof Glowack a hneh a ni.

Super-middleweight world champion hlui Callum Smith chu light-heavyweight-ah a vawi khat nan a inlan dawn a, Dominican boxer Lenin Castillo nen an inhnek ang. Boxer hranghlui Ricky Hatton fapa Campbell pawhin Spanish boxer Izan Dura a hmachhawn dawn bawk.