Sevilla-in Denmark midfielder an la

Sevilla chuan German club Borussia Dortmund aṭangin Denmark midfielder Thomas Delaney chu euro maktaduai rukin an lalut. Kum 29 mi Danish midfielder hi Euro 2020-ah khan Danish Dynamite tan a khel ṭha hle.

Delaney hian kum 2018 khan Werder Bremen aṭangin Borussia Dortmund a zawm a, BVB tan hian inelna hrang hrangah match 88 khelin goal li a khung bakah DFB Pokal leh German Supercup te a chawipui bawk.

Sevilla hi season liam ta khan La Liga-ah palina an ni a, Champions League an khel dawn. Tun season match hnih khelh tawhah Sevilla an chak ve ve a, league hmahruaitu an ni mek.