McTominay an zai

Manchester United midfielder Scott McTominay chu ṭhal (groin) hliam vangin zai a ni a, Scotland squad-ah koh tel a ni lo.

Premier League match hmasa berah Man United hian Leeds United 5-1 an sawp a, McTominay hi khel ṭha viau mah se Southampton lakah erawh bench-ah a ṭhu thung.

Man United chuan, "Scott hian a inkhelh laia na a neih avangin zai a ni. Season ṭan hma khan uluk taka enkawl a ni a, a dam chian theih loh avangin zai hi a ṭul ta ni," tiin thuchhuah an siam.

Kum 24 mi McTominay chuan, "Match khelh loh hi hrehawm ka ti a, Wolves bakah ram tana ka feh chhuak thei lo tur hi pawi ka ti takzet," tiin twitter-ah a ziak.

August 29, Pathianni zan dar 9:00 hian Manchester United-in Molineux Stadium-ah Wolves an hmachhawn dawn a, McTominay hi a tel thei dawn lo.

McTominay chawlh chen tur a hriat loh avangin Ole Gunnar Solskjaer chuan Flamengo-a loan hmanga an chhuahtir Andreas Pereira chu a ko let lehnghal niin an sawi.