Messi leh Dybala an ko

Argentina chuan World Cup qualifier khel tur team an puang a, captain Lionel Messi kianga khel turin Paulo Dybala chu koh zingah a tel - Juventus forward hian tun season Serie A match hmasa berah goal a khung.

South America-a ram 10 inel zingah Argentina hi pahnihna an ni mek, match ruk khelh aṭangin point 12 an hmu tawh. September 2 hian Venezuela an hmachhawn dawn a, a hnuah hmahruaitu Brazil leh Bolivia an hmachhawn zui leh dawn bawk.

Player langsar zingah Sergio Aguero chu koh a ni lo. Manchester City striker hlui hi Barcelona a zawm hnuah a hliam a, a club thar tan hian La Liga match pawh a la khel lo - Dybala leh Inter Milan striker Lautaro Martinez an awm avangin Aguero tan khelh phak a harsa tawh dawn.

La Albiceleste hian Copa America neih zawh takah khan a thlengtu Brazil hnehin nomawi an chawi a, kum 1993 hnua a vawi khat nan nomawi lian tham an chawi leh chiah. World champion vawi hnih ni tawh hi an boruak ṭhat vanglai tak a ni.

Argentina Squad:
Goalkeeper: Franco Armani (River Plate), Emiliano Martínez (Aston Villa), Juan Musso (Atalanta), Geronimo Rulli (Villarreal).
Defenders: Gonzalo Montiel, Marcos Acuna (Sevilla), Nahuel Molina (Udinese), Cristian Romero (Tottenham), Nicolas Otamendi (Benfica), Juan Foyth (Villarreal), Lucas Martinez Quarta (Fiorentina), German Pezzella (Betis), Lisandro Martinez, Nicolas Tagliafico (Ajax).
Midfielders: Rodrigo De Paul (Atletico Madrid), Leandro Paredes (Paris Saint Germain), Giovani Lo Celso (Tottenham), Exequiel Palacios (Bayer Leverkusen), Guido Rodriguez (Betis), Nicolas Dominguez (Bologna), Emiliano Buendia (Aston Villa) and Alejandro Gomez (Sevilla).
Forwards: Lionel Messi, Angel Di Maria (Paris Saint-Germain), Lautaro Martinez (Inter Milan), Nicolas Gonzalez (Fiorentina), Angel Correa (Atletico Madrid), Paulo Dybala (Juventus), Julian Alvarez (River Plate) and Joaquin Correa (Lazio).