Ram tan Van Dijk an ko leh ta

27th August, 2021

Louis van Gaal-a'n an ram Netherlands a vawi thum nan a enkawl dawn a, thla thara World Cup qualifier khel tura koh zingah Liverpool defender Virgil van Dijk a tel a, hming langsar lo koh a nei nual bawk.

Van Gaal chuan, "September thla tira kan inkhelh tur hi a pawimawh hle, inbuatsaihna hun a tlem bawk si, chuvangin player fit ṭha leh inkhel nghal mai thei tur kan mamawh. Club leh player hrang hrangin season inbuatsaihna an neih dan a inang lo.

"Season bul an ṭan dan pawh a inang lo fur, chuvangin tun hnai bika an khelh dan en a ngai. Tuna koh lohte tan hian hmun a awm ta lo tihna a la ni lo, player hnawl ka la nei lo," tiin a player thlan dan chungchang a sawifiah.

Manager hmasa Frank de Boer-a'n Euro 2020 khel tura a koh zingah - Jasper Cillessen, Luuk de Jong, Denzel Dumfries, Quincy Promes, Patrick van Aanholt, Joel Veltman leh Owen Wijndal te chu tun ṭumah hian koh an ni lo.

Dutch manager hian hun rei tak hliam vanga chawl Van Dijk erawh a ko kir. Reds defender hi season hmasa khan khup hliam vangin a chawl a, tunah erawh harsatna nei loin minute 90 chhung a inkhel thei leh tawh.

Netherlands hian September 2, Ninganiah Norway an lenchilh dawn, ni thum hnuah Montenegro an mikhual zui leh ang.

Netherlands Squad:
Goalkeepers: Justin Bijlow (Feyenoord Rotterdam), Joel Drommel (PSV Eindhoven), Tim Krul (Norwich City), Remco Pasveer (Ajax Amsterdam).
Defenders: Nathan Ake (Manchester City), Daley Blind (Ajax Amsterdam), Matthijs de Ligt (Juventus), Stefan de Vrij (Inter Milan), Tyrell Malacia (Feyenoord Rotterdam), Devyne Rensch, Jurrien Timber (both Ajax Amsterdam), Virgil van Dijk (Liverpool).
Midfielders: Marten de Roon (Atalanta), Ryan Gravenberch (Ajax Amsterdam), Frenkie de Jong (Barcelona), Davy Klaassen (Ajax Amsterdam), Teun Koopmeiners (AZ) Alkmaar), Guus Til (Feyenoord Rotterdam), Donny van de Beek (Manchester United), Georginio Wijnaldum (Paris St Germain).
Forwards: Steven Berghuis (Ajax Amsterdam), Memphis Depay (Barcelona), Cody Gakpo (PSV Eindhoven), Donyell Malen (Borussia Dortmund), Wout Weghorst (VfL Wolfsburg).