Real Madrid leh PSG an indawr

Real Madrid chuan PSG-in Kylian Mbappe lei an dilna euro maktaduai 160 an hnawl hnuah French forward lei tumin hma an la leh a, hmasawnna a awm.

Los Blancos hian Mbappe man atana an thehchhuah thar ber chu euro maktaduai 170 a ni a, euro maktaduai 10-in a la pung thei bawk. Spanish club hian PSG dawr nawn an tum tawh loa sawi a awm avangin French club tan hnawl ngawt a rem tawh lo.

Kum 22 mi Mbappe hian PSG-ah kum khat contract a la nei a, pawhsei tumna a neih loh avangin French club hian chhuah an phal lo a nih chuan nakkumah man nei loin a chhuak dawn.

PSG lamin Mbappe an chhuahtir loh tur thu sawi pawr viau mah se French forward berin Real Madrid tana khelh a duh miau avangin Spanish club dinhmun hi a ṭha hle.