Remsiami an lawmpui

Tokyo 2020 khel phak Lalremsiami Hmar chu Mizoram Olympic Association, Hockey Mizoram leh Sports Authority of India (SAI) ten lawmpuina hun an hmang a, thilpek an hlan bawk.

Mizo nula Remsiami hi Japan khawpuia neih zawh tak Olympic-ah khan India hmeichhe hockey team player pawimawh a ni a, palina an nih theih nan tha a thawh hlawk hle. August 25 khan Aizawl a lo thleng a, vawiin hian an khua Kolasib a pan ang.

Hockey Mizoram chuan Mizo nulain Olympic a khel phak hi an chhuang a, hun harsa tak kara Thenzawl hmuna training center an lo nei thei chu an lawm thu an sawi bakah, tumna leh tuarchhelna a awm chuan hlawhtlinna kawng a inhawng tih an sawi.

September thla maiah Siami hian India camp a zawm leh a ngai dawn, hun awl neih a mamawh a, taksa sawizawi a mamawh bawk avangin Hockey Mizoram chuan an player hi zar buai lutuk lo turin mipui an ngen a ni.