Hughes-a'n Palace a zawm dawn

Crystal Palace chuan Watford midfielder Will Hughes chu pound maktaduai rukin an la lut dawn a, a chet ṭhat dan a zirin pound maktaduai 10-ah a pung chho thei ang.

Palace manager hi Patrick Vieira a ni a, Arsenal legend kaihhruai team hian tun nipui bazar-ah player paruk an lakluhna chiah a ni.

England U21 tana khel tawh Hughes hian kum 2017 khan Watford hi a zawm a, Vicarage Road-ah match 118 a khel hman a ni.

Palace hian season bul an ṭan ṭha lo a, Eagles hi an match hmasa berah Chelsea lakah 3-0 a an tlawm hnuin Brentford nen 0-0 in an inhnehtawk. Zanin dar 7:30 hian Palace hian league hmahruaitu West Ham an hmachhawn ang.