Milan chu kan inpeih - Pioli

Stefano Pioli chuan a enkawl lai AC Milan chu inelna hautak pawh hmachhawn thei tura an inpeih thu a sawi. Milan hian Pathianni zan dar 12:15 hian Serie A match khel turin Cagliari an mikhual ang.

Milan hian an midfielder pawimawh Hakan Calhanoglu chu Inter Milan lakah an chan a, an match hmasa berah Franck Kessie chu hliam vangin a khel thei lo bawk - mahse Rade Krunic chuan midfield lai a luah hneh a, chak pui thamin a khel chhuak.

Italian manager Pioli chuan, "Duhthusamin inbuatsaihna kan nei hman lo tih chu hriatsa a ni, chutih rualin inelna kan ṭan tawh miau avangin chhuanlam siam a rem lo. Ka naute hi match hautak khel tur pawhin an inpeih, hliam vanga khel thei lo erawh an la awm," tiin a sawi.

Season hmasa khan Milan hian bul an ṭan fuh, champion pawh an beisei ngam hman. Mahse, season chawhnu lamah an zuih a, pahnihna ni mah se champion Inter Milan an phak lohna chu point 12 lai a ni, kuminah hmasawn an tum ang.

Zanin Inkhel Tur
Atalanta 10:00 PM Bologna
Lazio 10:00 PM Spezia
Fiorentina 12:15 AM Torino
Juventus 12:15 AM Empoli

August 28, Pathianni
Genoa 10:00 PM Napoli
Sassuolo 10:00 PM Sampdoria
AC Milan 12:15 AM Cagliari
Salernitana 12:15 AM AS Roma