Chris Cairns a zeng

New Zealand all rounder hlui Chris Cairns chu a lung an zai laiin a stroke a, hemi avang hian a chhungten a zeng tih an sawi.

Kum 51 mi Cairns hi tun thlatir khan Sydney Hospital-ah hmanhmawh taka zai a ni a, thi thei dinhmunah a ding. Cairns-a chhungte chuan, "Australia-a specialist spinal hospital-ah uluk taka enkawl a ni a, ngai awh tur chuan hun a duh dawn," tiin thuchhuah an siam.

Cairns hi a hun laia all rounder ṭha ber zinga mi a ni pha a, 1989 leh 2006 chhung khan New Zealand tan Test match vawi 62, ODI vawi 215 bakah T20 match hnih a khel. Cricket khelh a chawlhsan hnuah television pundit-ah a ṭang leh bawk.