Celtic leh Rangers-in Europa League khel dawn

European club football-a inelna sang ber dawttu Europa League khel turin Celtic leh Rangers an inpetkai a, Scottish football ngainatu tan chuan chanchin lawmawm a ni.

Celtic-in khualmualah 2-1 in AZ Alkmaar ngam lo mah se inkhel hmasaah 2-0 a hnehna an lo chan tawh avangin inkhel pahnih belhkhawmah 3-2 in an chak a, an tlang.

Scottish club tan Kyogo Furuhashi chuan minute thumna lekah goal hmahruai a khung a, mahse, mualneitu Dutch club tan Zakaria Aboukhlal leh Carl Starfelt (own goal) ten an chhanglet.

Aboukhlal goal khung hi Celtic goalkeeper Joe Hart chetsual zara lut a ni a, mahse, first leg-a an chak leh Furuhashi goal khung zarah Celtic an tlang - Japanese striker hian Celtic tan tun season-a match sarih inkhel bul a ṭanah goal sarih a khung tawh.

Rangers-in Alashkert khelmualah goal an khung lo a, mahse, first leg-ah 1-0 a hnehna an lo chan tawh avangin an tlang - Rangers hi Covid-19 vangin an talbuai a, coach Steven Gerrard chu Armenia-a an inkhelah a zin ve thei lo.

Gerrard bakah hian captain James Tavernier, goalkeeper pahnih Allan McGregor leh Jon McLaughlin, forward Ryan Kent te an zin thei lo a, hetichung hian goal chhuah loin an tlang thei a ni.

Celtic leh Rangers hi hmabak hautakin a hmuak zui - Pathianni tlai dar 4:30-ah Old Firm derby khelin club pahnih an intawng dawn a, Scottish football-ah chuan anni pahnih intawng tluka boruak sang a awm chuang lo.

Club pahnih hian league match hnih an khelh tawhah point ruk ve ve an nei mek a, Pathianni an inkhel tur hian league champion tur thui takin a hril ang.

Europa League Playoff Results
Alashkert 0 - 0 Rangers
*Agg-ah 1-0 in Rangers an chak

HJK 2 - 5 Fenerbahce
HJK: Roope Riski 27'; Riku Riski 88'
FEN: Enner Valencia 11', 14', 52'; Yigit Sanlitürk 90'; Yigit Sanlitürk 90' (OG)
*Agg-ah 6-2 in Fenerbahce an chak

Zorya 2 - 3 Rapid Vienna
ZOR: Oleksandr Hladkyy 40'; Shahab Zahedi 86' (P)
RAP: Marco Grüll 10'; Leo Greiml 15'; Taxiarchis Fountas 68'
*Agg-ah 6-2 in Rapid an chak

Galatasaray 2 - 1 Randers
GAL: Patrick van Aanholt 48'; Frederik Lauenborg (OG) 59'
RAN: Marvin Egho 11'
*Agg-ah 3-2 in Galatasaray an chak

AZ Alkmaar 2 - 1 Celtic
AZA: Zakaria Aboukhlal 6'; Carl Starfelt 26' (OG)
CEL: Kyogo Furuhashi 3'
*Agg-ah 3-2 in Celtic an tlang

CFR Cluj 1 - 2 Red Star Belgrade
CFR: Gabriel Debeljuh 34'
RSB: Aleksandar Katai 4' (PG); Milan Pavkov 53'
*Agg-ah 6-1 in Red Star an chak

Slovan Bratislava 2 - 2 Olympiakos
SLO: Ezekiel Henty 41'; Andre Green 62'
OLY: Youssef El-Arabi 33'; Henry Onyekuru 54'
*Agg-ah Olympiacos 5-2 in an chak

Sturm Graz 2 - 0 Mura
STU: Otar Kiteishvili 39'; Jakob Jantscher 66'
*Agg-ah 5-1 in Sturm an chak

Royal Antwerp 2 - 0 Omonia Nicosia
ROY: Koji Miyoshi 28'; Pieter Gerkens 84'

*Agg-ah 4-4 a ni a, penalty-ah 3-2 in Antwerp an chak

Legia Warsaw 2 - 1 Slavia Prague
LEG: Mahir Emreli 59', 70'
SLA: Ubong Ekpai 45'
*Agg-ah 4-3 in Legia Warsaw an chak