XTECH-NECS Cup 2018 : A thiam pariat a hriat ta

Aizawl DFA buatsaih NECS Cup 2018 quarterfinal khel tur a hriat kim ta. Nimin khan Lammualah last 16 khelh zawh a ni a, inkhel hmasa zawkah sulhnu nei ṭha Ramhlun South-in Darlawn VC chu 8-1 in an sawp a, Lengpuiin Zotlang 3-0 in an hneh ve bawk.

Quarterfinal-ah hian group A-ah champion lai Chhinga Veng, Ramhlun South, Bethlehem Vengthlang leh Chanmari te an awm a, group of death tiha chhal theih an ni. Group B-ah Lengpui, Bawngkawn, Electric Veng leh Venghlui te an awm a, an intluk tawk viau bawk. March 9 aṭangin quarterfinal hi khelh a ni ang a, March 16-ah khelh zawh a ni ang.

Ramhlun South an lian
Aizawl khaw pawn team Darlawn VC I tan inkhelh thiam veng Ramhlun South an lian mah mah. Nimin inkhel hmasa zawkah hian R. Lalthanmawia'n hattrick a siam a, Lalthlamuana'n goal hnih a khung a, Lalremruata leh Lalromawia ten goal khat ve ve an khung bawk.

Ramhlun South tana goal khungtute hi MPL-a tawnhriat nei ṭha vek an ni a, quarterfinal lut turin harsatna an tawk lo. Darlawn VC I tan Lalremmawia goal khat a khung a, result a tidanglam pha lo.

Lengpui an tlo
Aizawl khaw pawn ṭanga quarterfinal lut pha awmchhun ni turin Lengpui chuan Zotlang 3-0 in an sawp. Lengpui tan Vanlalhruaitluanga'n goal hmahruai a khung hnuah F. Lalremsanga'n goal hnih a khung belh.

Lengpui hian Rohming-thanga hoa 2006 CYMA Football-a an champion hnuah tlakchhiat lai an nei tawh lo a, tun ṭuma goal hnih khungtu Remsanga pawh hi Aizawl FC player niin quarterfinal-ah pawh hian Aizawl khaw pawn an nih avanga zuam chi an ni lo ang.

Nimin Inkhel Results
Ramhlun South 8 - 1 Darlawn VC I
RAM : Lalthlamuana 2', 15'; Lalmawizuala 9'; R. Lalthanmawia 25', 28', 33';
Lalremruata 44'; Lalromawia 47'
DAR : Lalremmawia 74'
Lengpui 3 - 0 Zotlang
LEN : Vanlalhruaitluanga 29'; F. Lalremsanga 34', 45'

Quarterfinal Fixtures
March 9, Zirtawpni
10:00 AM Chhinga Veng vs Bethlehem Vengthlang
12:00 PM Ramhlun South vs Chanmari
02:00 PM Bawngkawn vs Venghlui

March 12, Thawhṭanni
10:00 AM Bethlehem Vengthlang vs Ramhlun South
12:00 PM Lengpui vs Electric Veng
02:00 PM Chanmari vs Chhinga Veng

March 14, Nilaini
10:00 AM Venghlui vs Lengpui
12:00 PM Electric vs Bawngkawn
02:00 PM Bethlehem Vengthlang vs Chanmari

March 16, Zirtawpni
10:00 AM Bawngkawn vs Lengpui
12:00 PM Chhinga Veng vs Ramhlun South
02:00 PM Venghlui vs Electric Veng