Netherlands tan Kluivert an ko

Netherlands coach Ronald Koeman chuan team thar din tumin hma a la chho mek a, squad a puan hmasak berah Justin Kluivert chu a vawi khat nan koh a ni.

Dutch legend Patrick Kluivert-a fapa Justin Kluivert hi England leh Portugal hmachawn tur player 33 puan chhuah zingah a tel phawt a, heng zingah hian player pasarih zet chu a vawi khat nan koh an ni.

Kum 18 mi Kluivert hian season hmasa khan Ajax tan league match 14 a khelh aṭangin goal hnih a khung a, tun season kal laiah match 15 aṭangin goal nga a khung tawh–ball a thiam leh chet ran avangin a pa Patrick Kluivert hnungzui thei tura anga sawi a ni mek.

FIFA World Cup khel phak lo Netherlands tan senior player Wesley Sneijder leh Arjen Robben ten ram tan an khelh tawh loh tur thu an puang a, senior player tawnhriat nei ngah tel loin bul an ṭan dawn.

Netherlands squad:
Goalkeepers: Marco Bizot (AZ Alkmaar), Jasper Cillessen (Barcelona), Sergio Padt (Groningen), Jeroen Zoet (PSV Eindhoven).

Defenders: Nathan Ake (Bournemouth), Daley Blind (Manchester United), Jeffrey Bruma (Wolfsburg), Matthijs de Ligt (Ajax), Stefan de Vrij (Lazio), Timothy Fosu-Mensah (Crystal Palace), Daryl Janmaat (Watford), Karim Rekik (Hertha Berlin), Kenny Tete (Lyon), Patrick van Aanholt (Crystal Palace), Virgil van Dijk (Liverpool).

Midfielders: Marten de Roon, Hans Hateboer (Atalanta), Davy Propper (Brighton), Kevin Strootman (Roma), Guus Til (AZ Alkmaar), Donny van de Beek (Ajax), Tonny Vilhena (Feyenoord), Ruud Vormer (Bruges), Georginio Wijnaldum (Liverpool).

Forwards: Ryan Babel (Besiktas), Steven Berghuis (Feyenoord), Steven Bergwijn, Luuk de Jong (PSV Eindhoven), Memphis Depay (Lyon), Bas Dost (Sporting Lisbon), Justin Kluivert (Ajax), Quincy Promes (Spartak Moscow), Wout Weghorst (AZ Alkmaar).