Chanmarians a zawnin an tlawm

Mapuia Cricket League champion lai Chanma-rians-in a zawnin hnehna an chang ta lo. Zarkawt Lords lakah super over hmanga an tlawm hnuin nimin khan Chhinga Veng an ngam lo leh a, wicket kua ngawtin an mualpho.

Suaka Cricket Ground-a inkhelah Chanmarians an bat hmasa zawk a, Zarkawt Lords an hneh loh hnuah insiamṭhat nghal tum mah se Chhinga Veng tan bowler pahnih Lalhruaimawia Ralte (4/2) leh Lalnuntluanga (4/2) te an chet ṭhat avangin run 51 an siamin wicket nga an hloh tawh! Chanmarians-in over 20-ah run 116 chiah siamin wicket riat an hloh.

Chhinga Veng-in inkhel ṭantir aṭangin bul an ṭan ṭha nghal a, run 56 siama a tawp thleng dam K. Vanlalruata'n a zawnin half century a vaw chhuak–run 34 siamtu Lalthlamuana'n a thlawp ṭhat bawk avangin over 17.1-ah wicket khat chiah hlohin Chhinga Veng hian an target umphain hnehna an chang.

Tun season first division champion Chhinga Veng tana half century siam chunga wicket khat latu ni bawk K. Vanlalruata chu man of the match-ah thlan a ni.