India-in hnehna chang awlsam

Nidahas Trophy-a match hmasa bera hnehna an chan zawh loh hnuah India chuan hnehna an chang ve leh ta a, Ningani zan khan Bangladesh chu harsatna nei loin wicket rukin an hneh.

Colombo khawpuia in­khelah Bangladesh an bat hmasa zawk a, over 20-ah run 139 siamin wicket riat an hloh! In­dian bowler zingah wic­ket thum latu Jaydev Unadkat a che ṭha a, Sri Lankan batsman zingah run 34 siamtu Liton Das tih lohah Sabbir Rahman (30 runs) chiah run 30 siam tling thei a ni.

Men in Blue tan cap­tain Rohit Sharma chu run 17 chiah a siam tihin out nghal mah se Shikhar Dhawan-a'n run 55 a rawn vaw chhuak a, run 27 siama a tawp thleng dam Manish Pandey-a'n a vaw ṭha viau bawk.

India hian over 18.4-ah wicket li chiah hlohin an target an umpha a, hnehna an chang - Thawh-ṭanniah Sri Lanka nen an inhmachhawn leh ang.