Minerva player tel lohna India squad!
India national team coach Stephen Constantine chuan AFC Asian Cup qualifier-a Kyrgyzstan hmachhawn thei tur player 32 a ko a, I League champion thar Minerva Punjab player zingah koh an awm lo - I League aṭangin player pathum chauh koh an ni. ISL-a khel Mizo player pathum koh tel an ni.
India hian qualifier match hnuhnung ber hi March 27 hian Dolen Omurzakov Stadium, Bishkek-ah an khel dawn a, match nga an khelh tawh aṭanga point 13 an hmuh tawh avangin group A hmahruaitu ni chungin AFC Asian Cup 2019 khel turin an tling tawh.
Mizo pathum Jeje Lalpekhlua, Jerry Lalrinzuala leh Lalruatthara te koh an ni a, India team-a Mizo awm zat leh I League aṭanga koh zat an intluk chiah. Palina ni chunga season khar East Bengal chiah chu I League aṭanga player thawh thei club an ni a, Kolkata club hian Salam Ranjan Singh, Md. Rafique leh Cavin Lobo te an thawh.
Player 32 awmna Probables Squad
Goalkeepers : Gurpreet Singh Sandhu, Vishal Kaith, Amrinder Singh, Rehenesh T.P.
Defenders : Pritam Kotal, Nishu Kumar, Lalruatthara, Anas Edathodika, Sandesh Jhingan, Salam Ranjan Singh, Sarthak Golui, Jerry Lalrinzuala, Narayan Das, Subhasish Bose.
Midfielders : Jackichand Singh, Udanta Singh, Seityasen Singh, Dhanapal Ghanesh, Anirudh Thapa, Germanpreet Singh, Rowllin Borges, Md. Rafique, Cavin Lobo, Bikash Jairu, Halicharan Narzary.
Forwards : Hitesh Sharma, Balwant Singh, Jeje Lalpekhlua, Seminlen Doungel, Alen Deory, Manvir Singh, Sumeet Passi.