Real leh Barca ringtu Allegri

Juventus coach Massimiliano Allegri chuan Champions League nomawi chawi turin Real Madrid leh Barcelona chu rinkai ber an nih thu a sawi a, hetihrual hian Bayern Munich chu en kan theih an nih loh thu a sawi bawk.

Italian manager chuan, “Champions League nomawi chawi tura rinkai ber kan sawi dawn a nih chuan Real Madrid leh Barcelona hi rin hlawh ber chu an ni. Chutihrualin Bayern Munich hi thaibo an harsa hle bawk,” tiin a sawi.

Real Madrid hian Champions League quarterfinal lut tawhin last 16-ah Paris St-Germain chu aggregate-ah 5-2 in an hneh a, vawiin tlai dar 5:30 hian league match-ah Eibar an lenchilh lehnghal ang.

Zinedine Zidane-a’n PSG an hneh hnu lawkah a naute hi ni khat chawlh a pe a, Ningani aṭang khan training nei ṭan lehin Real player zingah squad zawm thei lo an awm lo.

Allegri-a rin zingah Barcelona-in last 16 an la lut lo a, Nilaini zan khian Chelsea nen second leg an khel dawn - inkhel hmasaah Stamford Bridge-ah 1-1 in an inhnehtawk.

Barcelona hian Chelsea an mikhual hmain zanin dar 1:15-ah Malaga an lenchilh dawn a, Ernesto Valverde-a’n a naute chawlh hahdamtirna hun atan a hmang a nih pawhin a mak lo ang.