Ramhlun Venglai an tlawm reng lo

Mapuia Cricket League-a an match hmasa pathuma an tlawm hnuah Ramhlun Venglai chuan hnehna an chang ve ta - nimin khan MCL club thar CrOM chu wicket liin an hneh.

Suaka Cricket Ground-a inkhelah ṭhumvawra vannei zawk CrOM-in vuak hmasak an thlang a, an beisei ang ngawt erawh a ni lo - run 32 siamtu Lalremruata tih loh run 30 vaw kai thei dang an awm lo a, over 20-ah run 117 chiah siamin wicket kua an hloh.

Ramhlun Venglai tan opener Ṭhakima out nghal mah se RVL-in MCL club thar lakah tlawm hmel hmuh an tum lo a, Lahruaitluanga chuan run 40 ngawt rawn vaw chhuakin a team a chhanhim. Ramhlun Venglai hian over 16.5 lekah wicket ruk hloha an target umphain hnehna an chang ta a ni.