XTECH-NECS Cup 2018 Champion lai an chak

Nimin khan Lam-mualah NECS Cup 2018 quarterfinal khelh ṭan a ni a, champion lai Chhinga Veng chuan team ṭha Bethlehem Vengthlang lakah si thum faiin hnehna an chang.

Inkhel dangah sulhnu nei ṭha Ramhlun South leh football ngaina veng Chanmari te goal khat ve ve khungin an inhnehtawk a, match hnuhnung berah nikum finalist Bawngkawn chuan Venghlui lakah 2-1 in hnehna an chang bawk.

Quarterfinal hi league round hmanga khelh a ni a, match hmasa lama chak lo tan pawh semifinal beiseina a la awm thei ang. Group pahniha team palite an inkhelh kual hnuah a sang pahnih zelin semifinal an lut dawn a ni. Vawiin hian inkhel a awm dawn lo a, Thawhṭanniah match pathum a awm ang.