Bayern tan Lewandowski-a'n goal 100 khung

Robert Lewandowski chuan Hamburg lakah hattrick siamin Bayern Munich tan Bundesliga match bikah goal 100 a khung tling ta. Mellung pawimawh phun tur hian match 120 bak a mamawh lo.

InrinnizanAllianz Arena-ah Poland internatonal Lewan-dowski-a'n a penalty chhuih hmasak zawk hlah mah se a hnuhnung zawk erawh goal 100 khung tlin nan a hmang, ani bakah hian Franck Ribery goal hnih leh Arjen Robben goal khat hmangin 6-0 in hnehna an chang.

Kum 29 mi Lewandowski hian Bayern Munich tan hian inelna hrang hrangah match 182 a khelh aṭangin goal 141 a khung ta a, Brazilian striker Giovane Elber record khumin German player ni lo Bayern tana goal khung hnem ber a ni ta.

Elber khan kum 1997 - 2003 chhung khan German club tan hian goal 139 a khung a, chumi hnuah French club Lyon a pan; record awm lai khum turin Lewandowski hian match 83 zetin a khel tlem zawk a ni.

German champion Bayern hian nikum November thla hnuah league match bikah chak loh an nei lo, match 17 an khelh zinga 16-ah hnehna changin vawi khat dang chu an khingpuite nen an inhnehtawk. Tun dinhmunah pahnihna Schalke aiin point 20 zetin an sang fal tawh.