Dortmund tan Marco Reus a rinawm

Borussia Dortmund forward Marco Reus chuan a club tan a rinawm zia lantir nan contract thar a ziak, Bundesliga club tan hian kum 2023 thleng cham turin inremna an siam a ni.

Kum 28 mi Reus hian 2012 khan Dortmund hi a zawm a, hliam a neih fo avangin a inkhel tam tawk lo, match 196 chiah a la khel. Mahse, a inlan chhunah erawh player langsar a ni, goal 92 a khung tawh - European club lian dangte pawhin an duh.

Thla riat zet a inhliam hnuah thla hmasa khan a rawn kir a, Bundesliga player of the year vawi hnih ni tawh Reus hian a zawnin match thum chhung goal a khung leh tawh a ni.

Dortmund tana German Cup chawi tawhtu Reus chuan, "Fans ṭha takte avangin ka lawm, he hmuna ka cham chhnzawm tur hi ka hlim hle. He club hian hun harsa ka tawh lai pawhin min phatsan ngai lo a, kei pawhin thutlukna dang ka nei thei lo," tiin Dortmund chungah a lawm thu a sawi.