Hammers an chelh ding

David Moyes hnuaia indinthar West Ham chu league match hnih a zawna an chak hnuin an chak zo ta bik lo a, Patrick Vieira enkawl Crystal Palace nen 2-2 in an inhnehtawk.

Hammers tan tun hnaia 'form' tak Pablo Fornals chuan minute 39-naah goal hmahruai a khung a, Premier League-a a match hnuhnung pali aṭanga goal li a khungna chiah a ni.

Goal dang lut loin chawlhlawk hman a ni a, West Ham an chak leh mai dawn nia ngaihna a lian hman. Mahse, Conor Gallagher chuan minutes 58-naah Palace tan si phurh a sut a, Vieira hnuaia Palace-in goal an khung hmasak ber a ni.

Palace an phur dawn chauh a, West Ham forward Michail Antonio 'puja' a fuh laklawh - kum 31 mi forward hian tun season-a a goal lina ni turin an goal hnihna a khung a, 2-1 a ni.

Mahse, Palace an tlawm duh bik lo. Gallagher bawk a inlar leh a, Chelsea aṭanga loan-a Palace zawmtu midfielder hian minute 70-naah mawi takin an goal hnihna a khung a, goal dang lut loin team pahnih an inhnehtawk.

Rafael Benitez enkawlna hnuaiah Everton an kal zel a, an mikhualna ramah match hnih a zawna chak tawh Brighton & Hove Albion chu 2-0 in an hneh - match thum an khelh aṭangin point sarih an nei ta.

Merseyside club tan Demarai Gray leh Dominic Calvert-Lewin (penalty) ten goal khat ve ve an khung a, Calvert-Lewin leh Richarlison ten a tirah penalty pet inchuh mah se a tawpah English striker-in a chang a, harsatna nei loin goal-ah a chantir.

Inkhel Results
Manchester City 5 - 0 Arsenal
MAN: Ilkay Gündogan 7'; Ferran Torres 12'; Gabriel Jesus 43'; Rodri 53'; Ferran Torres 84'
Aston Villa 1 - 1 Brentford
AST: Emiliano Buendía 13
BRE: Ivan Toney 7'
Brighton & Hove Albion 0 - 2 Everton
EVE: Demarai Gray 41'; Dominic Calvert-Lewin 58' (P)
Newcastle United 2 - 2 Southampton
NEW: Callum Wilson 55'; Allan Saint-Maximin 90'

SOU: Mohamed Elyounoussi 74'; James Ward-Prowse 90' (P)
Norwich City 1 - 2 Leicester City
NOR: Teemu Pukki 44' (P)
LEI: Jamie Vardy 8'; Marc Albrighton 76'
West Ham United 2 - 2 Crystal Palace
WHU: Pablo Fornals 39'; Michail Antonio 68'
CRY: Conor Gallagher 58', 70'
Liverpool 1 - 1 Chelsea
LIV: Mohamed Salah 45' (P)
CHE: Kai Havertz 22'