India tan Patel-i'n silver medal a la

Tokyo Paralympic neih laiah India chuan silver medal a hlawh chhuak. Table Tennis player Bhavinaben Patel chu final-ah chak lo mah se silver medal a dawng a, rualbanlo inelna bikah Indian TT player medal la thei hmasa ber a ni.

Nimina final inkhelah Patel hi Chinese mi Ying Zhou lakah 7-11, 5-11, 6-11 in a chak lo, a duh ber gold medal hlawh chhuak zo ta chiah lo ma se India tan chuan hriatreng tawh tur sulhnu ṭha a hnutchhuah.

Ke a kal thei lo, wheelchair hmang (Singles C4) Patel hian a match hmasa lamah, world number 2 leh Rio Paralympic gold medalist ni bawk Borislava Rankovic chu a lo hneh tawh a ni.