Record thar siamtu Yehualaw

Ethiopian nula Yalemzerf Yehualaw-i chuan Antrim Coast Half Marathon-ah world record a siam. Mel 13.1 a thui chu minute 63 leh second 43 chhungin a thleng a, tun hma lama Kenyan Ruth Chepngetich-i'n record a lo siam thawh chu second 20-in a khum.

Mipa inelna lamah Yehualaw ang bawka Ethiopian mi Jemal Yimer chuan hnehna a chang ve thung, ani hian pakhatna dinhmun luah turin minute 60 leh second 29 a hmang thung.

Kum 22 mi Yehualaw chuan, "Tun hun thleng tur hian ka nun zawng zawng ka hlan a, ka duhthusam leh suangtuahna chu a takin a thleng dik ta," tiin a sawi a, chawl mai loa inelna hmachhawn chhunzawm a la tum thu a sawi bawk.