France squad-ah Giroud an ko lo

Didier Deschamps chuan September thlaa World Cup qualifier khel tur squad a puang a, AC Milan striker Olivier Giroud an ko lo. Roma midfielder Jordan Veretout chu a vawi khat nan koh a  ni thung.

Kum 28 mi Veretout hian season liam ta khan Serie A match 29-ah goal 10 a khung. France-in 2013 FIFA World Cup Under 20 an champion ṭumah Veretout hi Paul Pogba te zingah hmun pawimawh chang pha mah se Les Bleus senior team tan vawi khatmah a la inlan lo.

France squad-ah hian Manchester United forward Anthony Martial koh tel a ni a, Real Madrid aṭanga English club zawmtu Raphael Varane-a pawh vawi khatmah a la inlan loh chungin koh zingah a tel.

France hian September 1, Nilaini zanah Bosnia and Herzegovina an hmachhawn ang a, Ukrane (Sept 4) leh Finland (Sept 7) te nen an inkhel bawk ang.

France Squad
GK: Lloris, Maignan, Mandanda,

DEF: Dubois, Digne, Kimpembe, Koundé, Upamecano, Varane, Zouma, Théo Hernandez.

MID: Tchouaméni, Pogba, Kanté, Tolisso, Veretout.

ATT: Mbappé, Benzema, Coman, Diaby, Griezmann, Lemar, Martial.