Hansi Flick-a'n Germany aiawha khel tur a puang

Euro 2020 zawhah Joachim Low-a'n Germany enkawl hna a chhuahsan a, Die Mannschaft coach thar chu Bayern Munich coach hlui Hansi Flick a ni. Flick chuan World Cup qualifier-a Germany aiawh tur squad a puang a, Borussia Dortmund captain Marco Reus a koh telh bakah Bayern Munich player pariat a ko.

Bavarians player a kohte hi Thomas Muller, Serge Gnabry, Leroy Sane, Jamal Musiala, Joshua Kimmich, Leon Goretzka, Niklas Süle leh Manuel Neuer te an ni a, Bayern coach hlui Flick-a hnuaiah hmun pawimawh an chan theih vek beisei a ni.

Flick hian club nei loa awm mek Jerome Boateng a ko tel lo a, Bayern defender hlui hi FIFA World Cup 2018 zawhah ram tan koh a la ni leh lo. Boateng ang thoin Borussia Dortmund defender Mats Hummels a tel lo bawk.

Rin loh koh zingah PSG defender Thilo Kehrer, Freiburg centre back Nico Schlotterbeck leh Dortmund midfielder Mahmoud Dahoud te an tel a, kum 21 mi Schlotterbeck hi ram senior team-ah a la inlan lo.

Germany hi September 2, Ningani zanah Liechtenstein nen an inkhel ang a, Armenia (Sept 5) leh Iceland (Sept 8) an hmachhawn chhunzawm ang.

Germany Squad
Goalkeepers : Bern Leno (Arsenal), Manuel Neuer (Bayern Munich), Kevin Trapp (Eintracht Frankfurt)
Defenders : Ridle Baku (Wolfsburg), Robin Gosens (Atalanta), Thilo Kehrer (Paris Saint-Germain), Lukas Klostermann (RB Leipzig), David Raum (Hoffenheim), Antonio Rudiger (Chelsea), Nico Schlotterback (Freiburg), Niklas Süle (Bayern Munich)
Midfielders : Mahmoud Dahoud (Borussia Dortmund), Leon Goretzka (Bayern Munich), Ilkay Gündogan (Manchester City), Kai Havertz (Chelsea), Jonas Hofmann (Borussia Monchengladbach), Joshua Kimmich (Bayern Munich), Jamal Musiala (Bayern Munich), Florian Neuhaus (Borussia Mönchengladbach), Florian Wirtz (Bayer Leverkusen)
Forwards : Karim Adeyemi (Red Bull Salzburg), Serge Gnabry (Bayern Munich), Thomas Müller (Bayern Munich), Marco Reus (Borussia Dortmund), Leroy Sane (Bayern Munich), Timo Werner (Chelsea)