Korea-ah India nulate che ṭha

South Korea-a zin chhuak India hmeichhe hockey team chuan Pathianni khan an match hnuhnung ber an khel a, Korea nen hian 1-1 in an inhnehtawk. Vawi nga an inkhelhah India hian vawi thum hnehna an chang a, vawi khat an chak lo thung.

Women's Asia Cup 2017 champion India nulate hian April-ah Commonwealth Games an khel dawn a, Korea tour an neih hi CWG atana inpuahchahna pakhat a ni.

India team-ah hian Mizo tleirawl Lalremsiami pawh telin player pawimawh zinga mi a ni a, Kolasib khaw chhuak Siami hian an match hmasa berah goal awmchhun khungin India hi hnehna a chanpui a, 2-1 a an chak loh ṭum pawhin ram tan goal a khung leh bawk.