CAM hmeichhe team an puang

Cricket Association of Mizoram (CAM) chuan Women Senior Oneday Trophy 2021-2022 season atana squad a puang a, tualchhung player 17 bakah state pawn mi pathum lak an ni.

Hripui leng vangin hun rei tak chhung inelna a awm mumal thei lo. Board of Control for Cricket in India (BCCI) chuan tun hnaiah tournament khelh tur a ruahman leh ṭan a, Mizoram pawh a inbuatsaih ngawrh hle.

CAM chuan hmeichhe senior team bakah hian mipa under 19 pawh a puang chiang tawh. Mipa senior team chu koh chhin phawt an la ni a, anni pawhin training an nei mek.