India tana gold medal latu Lekhara

Tokyo Paralympic neih laiah Avani Lekhara chuan gold medal a kap chhuak. Kea kal thei lo, wheelchair hmang (SH 1) Lekhara-i hian women's 10m air rifle-ah point 249.6 a hmu a, ani aia hmu sang an awm lo.

India hmeichhe zingah Lekhara hi Paralympic-a gold medal la thei hmasa ber a ni a, inelna neih laiah hian India tan table tennis player Bhavinaben Patel-i chuan silver medal a lo hlawh chhuak ve tawh bawk.

Kum 19 mi Lekhara chuan, "Ka lawmna hi thua sawifiah theih a ni lo, pakhatna ka ni tih ka hriat chiah kha chuan mi zawng zawng chunga thlawk delh delh ni maiah ka inngai hial a ni," tiin a sawi.

Jaipur tleirawl Lekhara hi 2021 khan car chesualah a vanduai a, a 'spinal cord' a chhiat avangin a ding thei tawh lo. Harsatna vawrtawp tawng mah se a beidawng duh lo a, infiamna hmachhawn chhunzawmin tunah chuan Paralympic champion hial a ni ta.

Paralympic champion a ni satliah lo a, women's 10m air rifle-ah hian point hmuh hnem lamah world record awm lai chu a nihrual a, tunah chuan khawvela a ṭha ber tia sawi ngam a ni.